همس السما تكتب: يا شرف … دى ناس مش عاوزة طبطبة

مش هقول ليه اللى بيحصل دلوقتى ولا ازاى كدة
اللى اتعود ع الكرباج صعب ييجى بالطبطبة ،
دى ناس عاوزة تعيش فى عصر الحرامية مش ممكن فى يوم ترضى غير مع اللى زيها
ولو فى يوم توعدك هترجع تانى وتغدر بك
أصلهم كدة وطبعهم كدة
ازاى بقى تعيش معاك يا شرف من غير بلطجة
لو كانوا عاشوا يوم نُضاف مكانش دة بقى حالهم وحالنا زيهم ،
فى ناس نفسها تعيش زى كل الناس ، فى راحة ونضافة
لكن تقول ايه على ناس ملهاش غير البلطجة
ويقولوا عاوزينك يا ريس ،متمشيش يا ريس … طبعاً ويمشى ازاى وانتم قوتكم وأكلكم
ونهبكم وروحكم متعلقة مع ناس بتنهش فى لحمنا .

صعبان عليهم نقول دى ثورتنا وتكون شعار لكل الثوار .
صعبان عليهم الغلبان يشم نفسه ويعيش فى أمان .
ليه كدة وعشان ايه كل دة … متجربوا تعيشوا يوم زى البنى آدمين
ولا لازم تتلموا فى طره مع اللى شجعوكوا تعيشوا كدة ع البلطجة
يا شرف متيأسش من رحمة ربنا … كلنا معاك لكن دى ناس مينفعش معاها الطبطبة
انسان محترم مع ناس عاشت تاخد بالكرباج مين يقول كدة ,
عاملهم بحزم ولا ترحم اللى فى يوم ماحس بالرحمة مع ناس تتمنى تعيش وبس …كل
همها تأكل ولادها ولو رغيف حاف بس.

همس السما

كاتبة وراصدة للمجتمع المصري ، تهتم بمجالات المرأة ومدي تفاعلها في الحياة السياسية والإجتماعية

اترك رد